ព្រឹត្តិការណ៍កម្ពុជាប្រចាំថ្ងៃ

Episódios Disponíveis

de

ព្រឹត្តិការណ៍កម្ពុជាប្រចាំថ្ងៃ - ហេតុអ្វីបានជាអ្នកវិភាគរងការរិះគន់ វាយប្រហារពីអ្នកគាំទ្របក្សប្រឆាំងមួយចំនួន ដោយសារតែ យោបល់ផ្សេងគ្នា?

ជាការកត់សម្គាល់ ចាប់តាំងពីថ្ងៃទី៩វិច្ឆិកាមក អ្នកគាំទ្រអតីតគណបក្សប្រឆាំង ដែលស្មោះស្ម័គ្រនឹង លោក សម រង្ស៊ី បន្តបង្កើនការវាយប្រហារ និងរិះគន់ទៅលើអ្នកវិភាគនយោបាយ មួយចំនួននៅក្រៅប្រទេស ដែលតែងតែមានគំនិតវិជ្ជមានចំពោះបក្សប្រឆាំង។ បញ្ហានេះ ត្រូវបានអ្នកវិភាគ និងតាមដាននយោបាយនៅក្នុងស្រុក មើលឃើញថាជាវប្បធម៌ និងជាការគុំគួនជាលក្ខណៈបុគ្គល ដែលកើតមានជាយូរមកហើយនៅក្នុងសង្គម និងផ្នត់គំនិតខ្មែរ។

ព្រឹត្តិការណ៍កម្ពុជាប្រចាំថ្ងៃ - កម្ពុជា៖ គុណភាពការងារកំពុងមានការកែលម្អ ប៉ុន្តែត្រូវមានគោលនយោបាយថ្មីៗដើម្បីទាញប្រយោជន៍ពីទីផ្សារសកល

ធនាគារពិភពលោកឬWorld Bank បានចេញផ្សាយរបាយការណ៍របស់ខ្លួនកាលពីថ្ងៃអង្គារម្សិលមិញ ដោយព្យាករណ៍ថា អនាគតការងារនៅកម្ពុជាកំពុងស្ថិតនៅលើចំណុចរបត់មួយ ខណៈគុណភាពការងារកំពុងមានការកែលម្អ ប៉ុន្តែចាំបាច់ត្រូវមានគោលនយោបាយថ្មីៗទៀតដើម្បីទាញអត្ថប្រយោជន៍ពីទីផ្សារសកល។ យ៉ាងណាក៏ដោយអ្នកដែលមានចំណេះជំនាញទាបនឹងរងការប៉ះពាល់ ប្រសិនបើការផលិតសម្លៀកបំពាក់នឹងធ្លាក់ចុះនៅក្នុងទសវត្សន៍ខាងមុខដោយសារតែនិន្នាការធំៗដែលកើតឡើងគឺលទ្ធភាពនៃការបាត់បង់ភាពអនុគ្រោះពន្ធគយពីសហភាពអឺរ៉ុប និងអាមេរិក។

ព្រឹត្តិការណ៍កម្ពុជាប្រចាំថ្ងៃ - តើប្រទេសសមាជិកអាស៊ានពាក់កណ្តាលពិតជាមានបញ្ហាដូចៗគ្នាជាមួយសហភាពអឺរ៉ុបឬ?

នៅក្នុងពិធីប្រគល់សញ្ញាបត្រដល់និស្សិតសាកលវិទ្យាល័យធនធានមនុស្សប្រមាណជា២ពាន់នាក់ នាព្រឹកថ្ងៃចន្ទម្សិលមិញ នៅវិទ្យាស្ថានជាតិអប់រំ លោកនាយករដ្ឋមន្ត្រី ហ៊ុន សែន បានថ្លែងថា ប្រទេសអាស៊ានមួយចំនួនក៏មានបញ្ហាជាមួយសហភាពអឺរ៉ុបដែរ មិនមែនមានតែកម្ពុជាមួយនោះទេ។ លោក លោក ហ៊ុន សែន បានលើកយកបញ្ហារបស់ប្រទេសម៉ាឡេស៊ី និងឥណ្ឌូនេស៊ី មកបង្ហាញ ហើយថាទំនាក់ទំនងរវាងសហភាពអឺរ៉ុប និងអាស៊ាន កំពុងស្ថិតនៅលើទិដ្ឋភាពមួយមិនសូវជាល្អ។ ជុំវិញបញ្ហានេះ តើអ្នកជំនាញ និងអ្នកតាមដានសង្គម ក៏មើលឃើញស្ថានភាពនៃទំនាក់ទំនងរវាងអាស៊ាន និងសហភាពអឺរ៉ុប មានស្ថានភាពផ្សេងៗគ្នាដែរ។

ព្រឹត្តិការណ៍កម្ពុជាប្រចាំថ្ងៃ - ពីរឆ្នាំក្រោយការរំលាយ ស្មារតីនៃគណបក្សសង្គ្រោះជាតិនៅតែរស់?

ថ្ងៃទី ១៦ វិច្ឆិកា កន្លងទៅនេះ គឺជាខួប២ឆ្នាំនៃការរំលាយគណបក្សសង្គ្រោះជាតិ ដោយសាលដីការបស់តុលាការកំពូល។ ទោះបីជាបាត់ឈ្មោះជាគណបក្សក្តី តែអ្នកវិភាគនយោបាយនៅកម្ពុជា បានមើលឃើញថា ស្មារតីនៃអតីតគណបក្សប្រឆាំងមួយនេះ នៅតែរស់នៅក្នុងស្មារតីរបស់អ្នកគាំទ្រដដែល។

ព្រឹត្តិការណ៍កម្ពុជាប្រចាំថ្ងៃ - អ្នកវិភាគ៖ កម្ពុជាមានការប្រុងប្រយ័ត្នក្នុងការឆ្លើយតបនឹងរបាយការណ៍ ស្តីពីការផ្អាកការអនុគ្រោះEBA

គណៈកម្មការអឺរ៉ុប បានទុកពេលមួយខែទៀតឲ្យរដ្ឋាភិបាលកម្ពុជា ដើម្បីឆ្លើយតបចំពោះរបាយការណ៍បឋម ស្តីពីលទ្ធផលនៃការស៊ើបអង្កេត ក្រោមនីតិវិធីសម្រាប់ការដកហូតបណ្តោះអាសន្ននូវការអនុគ្រោះពន្ធពាណិជ្ជកម្មអ្វីៗគ្រប់យ៉ាងលើកលែងតែអាវុធ (EBA)។ អ្នកតាមដានសភាពការណ៍យល់ថា រដ្ឋាភិបាលកម្ពុជាមានការប្រុងប្រយ័ត្នក្នុងការឆ្លើយតបនឹងរបាយការណ៍នេះ ព្រោះដើម្បីរក្សាផលប្រយោជន៍EBAផង និងកុំឲ្យប៉ះពាល់ដល់មុខមាត់ផង។